Көртләр белән көрәшеп: «Игелек үзәге»нең социаль хезмәткәрләре өлкәннәрнең ишегалларын чистарта

Нәфис затлар ялгыз, ярдәмгә мохтаҗ әби-бабайларны карап-тәрбияләп торудан тыш, аларның ишек аллары, капка тирәләрен дә кардан чистарта.

Ә кар көртләре шактый биек һәм калын. Район буенча барысы 302 үзләре генә яшәүче өлкәнебезнең йорт, каралты-кура тирәләре менә шулай социаль хезмәткәрләре тарафыннан чистартып, тәртипләп куела.

Рәсемнәрдә Яңа Әлем җирлеге социаль хезмәткәре Мирзаһитова Гөлназ Фәвәдис кызы, Иске Богады социаль хезмәткәрләр Галиева Айгөл Илһам кызы, Нигаматуллина Эльвира Константин кызы. 

Күңел назлары белән өлкәннәребезгә яхшы кәеф, сәламәтлек бүләк итүче районыбызның барлык мәрхәмәтле һөнәр ияләренә олы рәхмәтләребезне әйтәбез!

 Өлкән, ялгыз кешеләргә карата булган мәрхәмәтегез, игелегегез үзегезгә әйләнеп кайтсын!