“Весенняя капель-2017” фестивалендә Актаныш технология техникумы коллективы III урынны яулады

Фестиваль 21 нче тапкыр уздырыла, ә агымдагы елда ул "Безнең дөнья. Минем җир" исеме астында уза һәм 7 апрельдә Казанда зур гала-концерт белән тәмамланачак. Республиканың 85 урта һөнәри белем бирү уку йорты 7 зонага бүленеп, фестивальдә катнашачак. Фестивальне Татарстан Республикасы Мәгариф һәм фән министрлыгы, Казан шәһәренең балалар һәм яшьләр эшләре буенча башкарма комитеты, ТР һөнәри белем бирү оешмаларының тәрбия эшләре буенча советы һәм ТР студентлар лигасы гамәлгә ашыра. Минзәлә зона фестивалендә 5 урта махсус уку йорты: Актаныш технология техникумы, Алабуга политехник көллияте, Минзәлә медицина училищесы, Минзәлә авыл хуҗалыгы техникумы, Муса Җәлил исемендәге Минзәлә педагогика көллияте көч сынашты. Актаныш технология техникумы коллективы мактаулы III урынны яулады.