XIX авыл Cпартакиадасы катнашучылары Актанышта тиз шахмат уйнауда көчләрен сыный

           Республикабызның төрле районнарыннан килгән җыелма командалар Актаныштагы Балалар иҗат үзәгендә бүген һәм иртәгә тиз шахмат буенча осталыкларын сыный. Командалар составы 3 ир-егет һәм 1 хатын-кыздан тора, әмма уен ир-атлар һәм хатын-кызлар арасында аерым уза.

Бәйгегә 18 яше тулганнар гына катнаша ала. 

          Шахмат ярышының максаты- Татарстандагы авыл районнарында шахмат спортын үстерү, уенчыларның спорт осталыгын арттыру, иң көчле шахматчы команданы ачыклау. 

Шахмат ярышына йомгак иртәгә, 23 октябрьдә ясалачак.