Джип спринт-2026: Юбилей автоузышыннан безнең репортаж
Байсар җирлегендә Россия чемпионаты һәм Татарстан Кубогының автокросс буенча 10 нчы — юбилей ярышлары дәвам итә. Быел бәйгедә илнең төрле төбәкләреннән 76 спортчы катнаша.
Ярышларны ачу тантанасында район башлыгы Ленар Зарипов катнашып, спортчыларга уңышлар теләде. Ул шулай ук әлеге масштаблы чараны югары дәрәҗәдә оештырганы өчен оештыручы Рәдис Хашимовка рәхмәт сүзләрен җиткерде.
Байсар трассасында автокросс ярышлары быел унынчы тапкыр үткәрелә. Юбилей бәйгесе киң географиясе белән аерылып тора: Санкт-Петербург, Мәскәү, Рязань, Самара, Пермь, Екатеринбург һәм Россиянең башка төбәкләреннән тәҗрибәле спортчылар катнаша.
«Бу — Байсар трассасының югары дәрәҗәсен һәм ярышларның абруен күрсәтә», — дип билгеләп үтте оештыручы Рәдис Хашимов.
Нет комментариев