Авыл кызларының бар эшкә дә оста икәнен һәркем белә: алар печәнен дә чаба, утынын да яра, җиләк тә җыя, балык та тота – санап кына бетерерлек түгел! 

Кыскасы, без сезгә тавык та чүпләп бетерә алмас эшләрегезне читкә куеп, фото-ял  оештырып алырга тәкъдим итәбез. 

Сездән – эшчән  авыл кызы икәнегезне дәлилләгән  фотосурәт, бездән - шәп бүләк!

Бәйгегә юмор хисе белән якын килсәгез иде – андыйларның җиңү мөмкинлеге зуррак.  Әйдәгез әле эшчән авыл кызларын интернет киңлекләрендә танытып алыйк! Күрсеннәр, белсеннәр, горурлансыннар! 

Фотолар 24  августка  кадәр безнең ВК төркемендәге  "Без бит авыл кызлары" дип исемләнгән папкага юллагыз.  Бәйгегә җибәргән фото янына катнашучының тулы исем-фамилиясен, яшәгән урынын күрсәтү мәҗбүри! Алар күрсәтелмәсә,  бәйгене оештыручылар фото җыйган лаекларны исәпкә алмау хокукына ия! Һәм, гадәттәгечә, безнең “Актаныш-информ” төркеменә язылган булу иң мөһим шарт! 

Без башлыйбыз! Син дә кушыл!