24 март 2025 яңалыклары
-
«Яран» торак милекчелек ширкатенең еллык хисап җыенында яңа җитәкче сайланды
Бүген «Яшьлек» яшьләр үзәгендә «Яран» торак милекчелек ширкате җитәкчелеге күпфатирлы йортлар советы рәисләре алдында 2024 елдагы эшчәнлекләренә йомгак ясады. Киңәшмәдә Актаныш районы Башкарма комитет җитәкчесе Илфак Бариев катнашты.
-
Исән-сау, җиңү белән кайтыгыз!
Актаныш районы ветераннары арасында «Сәламәтлек» клубы бик популяр. Көзге бакча эшләре тәмамлануга, олыгаюга һич бирешмәс, шат күңелле, тиктормас лаеклы ялдагы өлкәннәребез «Батыр» спорткомплексына сәламәтлекләрен ныгытырга ашыга. Биредәге очрашулардан физик яктан гына түгел, рухи яктан да баеп, тормышка, яшәешкә тагы да мәхәббәтләре артып кайталар. Чираттагы күрешүдә ветераннарыбыз көч-куәтләрен игелекле гамәлләр кылуга ниятләде, күмәк көч белән махсус хәрби операциядәге якташларыбызга маскировка челтәрләре үрә башлады. Актив җәмәгать эшлеклесе, «Сәламәтлек» клубын алып баручы Зәмфирә Хафизова җитәкчелегендә 12 метрга 7 метр зурлыктагы маскировка челтәрен өч данәдә үреп, «Яшьлек» яшьләр үзәгендәге «Без бергә» фондына илтеп тапшырдылар.
-
Төньяк Балкышын күрә алдыгызмы?
Әлки районында өченче көн рәттән Төньяк Балкышы күзәтелә.
-
Киләчәктә чипсыларны паспортсыз сатмаячаклар
Россиядә балаларга чипсыларны сатуны тыярга һәм аларга акциз кертергә тәкъдим иттеләр. Әлеге инициатива Роспотребнадзорга җибәрелгән.
-
Язгы боз ястык калынлыгы булса да, чыкмагыз!
Гадәттән тыш хәлләр министрлыгының Актаныш районындагы 103 нче янгын сагы бүлеге җитәкчесе Илдар Мортазин белән Актаныш районы сулыкларына рейд үткәрдек. Әле боз калын дип, балык тотучы райондашларыбызга Илдар Минсалих улы куркынычсызлык кагыйдәләрен аңлатты, тотрыксыз боз өслегендә басып торуның кеше гомерен өзәргә мөмкин икәнлеге турында сөйләде.
-
Миңнеханов «Батырлар. Татарстан Геройлары» турында мәгълүмат бирүне көчәйтергә кушты
Татарстан Рәисе Рөстәм Миңнеханов «Батырлар. Татарстан Геройлары» идарәче кадрлар әзерләү программасы турында хәрбиләргә мәгълүмат бирүне активлаштырырга чакырды.
