Тешләрегез энҗеләрдәй балкып торсын!

Мәгълүматлар буенча, кешелекнең 5 проценты гына сәламәт тешләргә ия һәм аларны яхшылап тәрбияли. Ә бит тешләрнең әһәмияте бик зур. Азык кабул итүдән тыш, алар сөйләмне формалаштыруда мөһим урын алып тора. 

Тешләрне көненә 2 тапкыр: иртән һәм кич чистартырга, ә араларын махсус җеп (флосс) ярдәмендә тазартырга киңәш ителә. Шулай ук көн дәвамында ашаган саен авызны су белән чайкап алу файдалы. Теш щеткасын, пастасын сайлауда да җаваплы караш кирәк. Монда тешләр торышына игътибар итү һәм медицина белгече белән киңәшләшү дә комачауламас. Теш табибына даими күренеп тору мөһим. Әлеге кагыйдәне кече яшьтән гадәткә кертергә кирәк.