Актаныш

Татарстанда тәүлек эчендә Covid-19 авыруының 53 яңа очрагы ачыкланган

Республикада коронавирус белән зарарлануның 3079 очрагы теркәлгән, пациентларның күбесе дәваланган.

(Казан, 29 май, «Татар-информ»). Татарстанда узган тәүлек эчендә 53 яңа Сovid-19 коронавирус белән зарарлану очрагы ачыкланган. Иң күбе — Казанда. Бу хакта ТР Президенты матбугат хезмәте җитәкчесе Лилия Галимова хәбәр итте.

«13 кеше хастаханәгә урнаштырылды, Кырык кешедә авыруның җиңел яки симптомсыз формасы. Алар өйдә дәвалана», — дип хәбәр итте Галимова.

Иң күп чир йоктыручылар 30-50 яшьтәгеләр — 17 кеше, шулай ук 50-60 яшьтәгеләр — 13 кеше.

Реклама

Яңа зарарланучыларның географиясенә килгәндә, иң күп өлеше Казанга туры килә - 27 кеше, икенче урында — Чаллы - 17. Районнар арасында авыручылар саны буенча Тукай районы алда бара, анда 3 кеше авырый.

Татарстанда пандемия башланганнан бирле барлыгы 3079 Covid-19 очрагы теркәлгән.

https://tatar-inform.tatar/news/society/29-05-2020/tatarstanda-bakcha-chen-t-l-ne-balany-anda-y-r-y-rm-ven-karap-is-pl-yach-kl-r-5746327

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: