Актаныш районының тагын бер мәктәбендә “власть” алышынды

 Актаныш районының берничә мәктәбе яңа уку елын яңа җитәкчелек кул астында башлаячак дип хәбәр иткән идек инде. 

Әлеге исемлеккә районыбызның тагын бер мәктәбе өстәлде. Такталачык төп гомуми белем бирү мәктәбе дә яңа уку елын яңа директор белән башлап җибәрәчәк. 

Әлеге вазыйфага билгеләнгән Хаҗиев Алмаз Сәяф улы райондашларыбызга Такталачык коррекцион мәктәбен 14 ел дәвамында алып барган тәҗрибәле җитәкче буларак таныш. 

Такталачык коррекцион мәктәбендә директор вазыйфаларын башкарачак зат хакында әлегә төгәл мәгълүмат юк.