УЕН ИСӘБЕ НИЧӘ?: Бар Актаныш туп тибә - күрми калганмын димә!

Шунысы игътибарга лаек, график нигезендә барган чемпионатта катнашмый калучылар әлегә юк. Һәр җирлек 11 футболчыдан торган командасы белән  үзәк стадионда туп тибә.

Сишәмбе көнне биредә Актанышбаш-Түке- 0:5, Тат.Ямалы-Иске Сәфәр – 0:1, Пучы-Аккүз – 3:0, Түке-Пучы – 0:2 командалары искиткеч уен күрсәткән булса, чәршәмбе көнне Уразай-Чалманарат -1:4, Кәзкәй-Күҗәкә – 0:0, Яңа Әлем-Аеш – 2:1 командалары үзара көч сынашты. Пәнҗешәмбе кичендә стадионда Әтәс-Югары Яхшый – 1:5, Иске Кормаш- Теләкәй -0:1, Мәсәде-Иске Байсар – 3:3 командалары очрашты.

Җирлек башлыклары үз уенчылары өчен җан атып, киңәшләрен биреп, үзара шаян бәхәсләшеп, тын да алмый уен күзәтәләр. Кыскасы, актанышлыларның кичләре кызыклы да, файдалы да үтә бу көннәрдә. Сез дә уеннарны тамаша кылырга килегез! Үкенмәссез!