ҮЗЕБЕЗНЕҢ ГОРУРЛЫК: Хезмәттәшебезне зур җиңүе белән тәбрик итәбез!

26 сентябрь көнне  "Татмедиа" акционерлык җәмгыятендә экстремизмга каршы, шулай ук милләтара һәм конфессияара тематиканы яхшыртуда иң яхшы дип табылган гаммәви мәгълүмат чаралары вәкилләрен бүләкләү тантанасы булды.

Бу көнне  журналистларга, фотографларга, гаммәви мәгълүмат чаралары редакцияләренә югары профессиональ һәм социаль юнәлештәге эшчәнлекләре өчен рәхмәт сүзләрен җиткерелде. 

Әлеге бәйгедә "Актаныш таңнары" газетасы журналисты Ләйсән Газизова  да катнашты. Хезмәттәшебез үз  номинациясендә мәкаләләр циклы белән дәрәҗәле икенче урынга лаек булды.

Ләйсән Глүс кызын әлеге зур җиңүе белән тәбрик итәбез, киләчәктә дә хезмәт юлында уңышлар телибез.