Татарстанда 2 миллионнан артык кеше Конституциягә төзәтмәләр кертүгә тавыш бирде

(Казан, 1 июль, «Татар-информ», Гөлүзә Ибраһимова). Татарстанда беренче июльгә кадәр 2 миллионнан артык кеше Конституциягә төзәтмәләр кертүгә тавыш биргән. Бу хакта ТР Үзәк сайлау комиссиясе башлыгы Андрей Кондратьев әйтте.

“Шунысын төгәл әйтә алам: тавыш бирү хокукына ия булган гражданнарның күпчелеге тавыш бирде. 30 июнь киченә 2 056 727 кеше тавыш бирде, бу гомуми сайлаучылар санының 69, 85 процентын тәшкил итә”, - ди Андрей Кондратьев.

Бүген, 1 июльдә, Россиядә РФ Конституциясенә төзәтмәләр буенча тавыш бирүнең төп көне уза.

https://tatar-inform.tatar/