Актаныш

Татарстанда ел башыннан полицейскийлар наркоҗинаятьләрне 20% ка күбрәк ачкан

2020 елда 99 җинаять ачылган, шуларның 22се оешкан төркемнәр тарафыннан кылынган.

2020 ел башыннан Татарстанда полиция хезмәткәрләре наркоҗинаятьләрне 20 процентка күбрәк ачкан. Бу хакта “Татар-информ” мәгълүмат агентлыгында узган матбугат конференциясендә ТР буенча Эчке эшләр министрлыгының УНК башлыгы урынбасары Кирилл Жданов хәбәр итте.
 

«2020 елның биш аенда наркотикларга бәйле 2 100дән артык җинаятькә чик куелды. 99 җинаять буенча тикшерү эшләре төгәлләнгән,  аларның 22се оешкан төркемнәр тарафыннан башкарылган», – дип билгеләп үтте Жданов.

Моннан тыш, полицейскийлар наркотиклар кулланган өчен – 3 меңнән артык һәм аларны саклаган өчен-244 административ беркетмә төзегәннәр.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: