2024- ГАИЛӘ ЕЛЫ
Район башлыгы Ленар Зарипов барлык райондашларны Гаилә, мәхәббәт һәм тугрылык көне белән тәбрик итә
8 июль - Гаилә, мәхәббәт һәм тугрылык көне. Ул православие традициясендә гаиләне һәм никахны яклаучы изге кенәз Петр һәм аның хатыны Февронияне искә алу көненә багышланган Русия бәйрәме. Гаилә - дәүләт нигезе, тормыш бишеге, аның ярдәмендә һәр кешенең иманы, өмете, үзара аңлашуы һәм мәхәббәте бар. Нәкъ гаилә кешегә аһәңле яшәргә һәм үсәргә булыша. Район башлыгы Ленар Зарипов барлык райондашларны Гаилә, мәхәббәт һәм тугрылык көне белән тәбрик итте.
"Бу дөньяга һәркем бәхетле булыр өчен туа. Ә тулы бәхет өчен кешенең гаиләсе булырга тиеш. Гаилә ул - җылылык, мәхәббәт, ышаныч учагы. Аның төп бурычы - инсафлы балалар үстерү, аларга лаеклы белем бирү, тормышта үз юлларын табарга өйрәтү. Нәкъ менә гаиләдә бала шәфкатьлелек, намуслылык, хезмәт тәрбиясенең беренче сабакларын ала. Районыбызда үрнәк, матур гаиләләр күп. Бер-берсен хөрмәтләп 50, 60 ел яшәүче, үрнәк балалар үстергән парларга хөрмәтебез зур. Күп балалар үстерүче, язмыш тарафыннан сыналган сабыйларга әти-әни назы бүләк итүче гаиләләргә олы рәхмәтебезне белдерәбез. Кадерле актанышлылар! Сезнең гаиләләрдә һәрвакыт үзара аңлашу һәм хөрмәт хөкем сөрсен. Нинди генә хәлләрдә дә гаилә ныклыгын саклап калырга тырышыгыз, йортларыгызда өмет, ышаныч һәм мәхәббәт яшәсен. Һәр гаиләгә бәхет һәм иминлек телим."
Следите за самым важным и интересным в Telegram-каналеТатмедиа
Нет комментариев