Июнь-августта исәпкә алу үткәрелә

- 1 июньнән 15 августка кадәр Бөтенроссия күләмендә авыл хуҗалыгы исәбен алу үткәреләчәк. Ул Россия Федерациясе Хөкүмәте карары нигезендә уздырыла. Безнең районда да ул оешкан төстә алып барылсын өчен барлык шартлар да тудырыла. Исәпкә алынучы объектлар исемлеге төзелгән инде. Эшне планлы рәвештә оештыру максатыннан район территориясе исәп һәм инструктор участокларына бүленде. Әлеге кампаниягә күп кенә белгечләр килешү нигезендә җәлеп ителәчәк. Беренче чиратта, болар - сан алучылар һәм инструкторлар. Аларның төп бурычы - авыл хуҗалыгы исәбен алуны оештыру, үткәрү һәм нәтиҗә ясау.

- Халыкның мәшгульлеге, гомуми җир мәйданының үлчәмнәре, җирләрнең структурасы һәм алардан, шул исәптән сугарулы җирләрдән файдалану, игелә торган культуралар, җиләк-җимеш үсемлекләре, терлек һәм кош-корт һ.б. турында мәгълүмат туплау. Исәп алу барышында алынган мәгълүматлар сер итеп саклана.

- Әйткәнемчә, сер сер булып кала. Бу мәгълүматлар киләчәктә яңа җир ресурслары һәм авыл хуҗалыгы продукцияләре җитештерү өчен төп чыганак булачак.

- Күпме хуҗалык барлыгы исәпкә алына. Аларда күпме терлек асрала? Җирдә ниләр үстерелә? Анда кемнәр хезмәт куя? Анкетада җирдә җитештерелгән продукция, үскән агач-куаклар, ишегалдындагы техника, терлек, шулай ук кредит алу-алмау кебек сораулар да булачак. Гомумән, моңарчы булган базаны тулыландыру һәм заманча технологияләргә белешмәләр кертү өчен кирәк бу эшләр.