10 июль 2024 яңалыклары
-
Фирдүс Тямаев «Җиңү армиясенә кушыл!» телемарафонында чыгыш ясаячак
Махсус хәрби операциядә катнашучыларга берничә тапкыр ярдәм күрсәткән Татарстанның атказанган артисты Фирдүс Тямаев 12 сәгатьлек «Җиңү армиясенә кушыл!» телемарафонында катнаша.
-
Инвалидлар оешмасы җитәкчесе Фәйрүзә Разетдинова: Бездә эш гөрләп бара!
Кемнәрдер җәйге отпуск-каникуллар белән мавыгып ял иткәндә, районыбызның инвалидлар оешмасында эш гөрләп бара. Бу атна башында, мәсәлән, «Игелек марафоны»нда җыелган акчалар буенча чираттагы утырыш уздырганнар. Түбән Кама шәһәрендә үткән спартакиада нәтиҗәләре куанычлы, Актаныш командасы икенче урынны яулаган. Мохтаҗ инвалидларның тормыш-көнкүрешен яхшырту буенча да күләмле эшләр башкарыла. Бу хакта район инвалидлар оешмасы җитәкчесе Фәйрүзә Разетдинова белән әңгәмә корып алдык.
-
Кичәге юл фаҗигасенә очраган балаларны табиблар санитар авиация белән Казанга алып киткәннәр
9 июльдә 00.39 сәгатьтә М-7 «Волга» автоюлының Актаныш районы территориясендәге 1139 чакрымында коточкыч юл фаҗигасе булды. Йөк автомобиле белән бәрелешкән җиңел машина йөртүче һәм аның 8 яшьлек кызының гомере өзелде.Җиңел автомобильдәге пассажирлар- әни кешене Чаллыдагы ашыгыч медицина ярдәме хастаханәсенә, ә ике баланы табиблар санитар авиация белән Казанга алып киткәннәр.
-
Актаныш районы авыл хуҗалыгы үсешенә зур өлеш керткән МХО батыры Рамил Хөсәеновның исеме мәңгеләштерелде
Актаныш районының 200гә якын ир-егете туган илебезне неонацизмнан якларга китте. Украинада бара торган махсус хәрби операциядә Россия мәнфәгатьләре өчен көрәшкәндә 32 райондашыбыз башларын салды. Алар арасында районыбызның авыл хуҗалыгы үсешенә зур өлеш керткән Рамил Хөсәенов та бар. Халык арасында үзенең гадилеге, белемлелеге, хезмәт сөючәнлеге белән танылган мал табибының исемен мәңгеләштереп район ветеринария берләшмәсенә истәлек тактасы куелды. Әлеге вакыйгада Актаныш районы җитәкчелеге, төбәкара семинар кунаклары- Татарстан, Башкортостан, Удмуртия республикаларыннан һәм Оренбург өлкәсеннән килгән ветеринария тармагы җитәкчеләре катнашты. Истәлек тактасын ачу тантанасына районыбызның Әфган, Чечня сугышы ветераннары да килгән иде. ,
-
Кулланучы әлифбасы: кабартыла торган бассейннар сайлыйбыз
Бакчачыларның күпчелеге үз участогында балалар өчен яки бөтен гаилә өчен җәйге ял үзәгенә әверелерлек бассейн урнаштырырга хыяллана. Кызганычка каршы, стационар конструкцияләр һәркемнең дә хәленнән килми, әмма бу хыялдан баш тартырга кирәк дигән сүз түгел, чөнки сатуда зур ассортиментта кабартыла торган бассейннар бар. Алар акча һәм вакытны сакларга теләүчеләр өчен бик кулай.
