Татарстан Республикасы Урман хуҗалыгы министрлыгы урманнарда янгын куркынычы классының артуы турында хәбәр итте

«Быел урман фонды җирләрендә янгыннар теркәлмәде, — дип билгеләп үтте Илгизәр Зарипов. — Хәзер республика территориясендә урманнарда өченче класс янгын куркынычы барлыкка килде. Урман янгыннарын булдырмау максатыннан космик, авиация һәм җир өсте мониторингы дәвам итә».

ТР Урман хуҗалыгы министрлыгы искәртә!

Урманнарда катгый рәвештә:

– чүп-чар калдырырга, аны яндырырга яки коры үләнгщ ут төртү;
– янгын куркынычы чорында һәм махсус җиһазландырылмаган урыннарда учак ягу;
– сүндерелмәгән шырпы һәм тәмәке төпчекләрен җиргә ташлау;
– очкын чыгара торган төзек булмаган транспорт куллану;
– пиротехника куллану тыела.

Әгәр сез урманда яки урманга якын территорияләрдә янгын шаһиты булсагыз, түбәндәге телефоннар буенча хәбәр итүегезне сорыйбыз: 8-800-100-94-00, 8 (843) 221-37-95.

Урман фонды җирләрендә янгыннар мәйданын киметү «Татарстан Республикасында урманнарны саклау» төбәк проектының максатчан күрсәткече булып тора. Әлеге проект «Урманнарны саклау» федераль проекты кысаларында «Экологик иминлек» милли проектына керә.