Кайсы вузга керер өчен ничә балл кирәк? (ИСЕМЛЕК)

КФУда быел гуманитар белгечлекләргә бюджет урыннар киметелгән. Беренче чиратта, бу юриспруденция, икътисад, менеджмент юнәлешләренә кагыла. Юрфакка түләүсез урыннар 40 %ка киметелгән, икътисадчыларны 5,7 тапкырга азрак санда кабул итәчәкләр, менеджерларга да сорау кимегән: бюджетка кабул итү саннары 4 тапкырга азайтылган. Вузның беренче проректоры Рияз Минзарипов сүзләренчә, бу - ил күләмендә алып барыла торган сәясәт. Аның каравы, бүген ихтыяҗлы булган инженер-техник белгечлекләргә урыннар бераз арткан.

Гомумән алганда, КФУга 5316 бюджет урының бүленгән. Бу, узган ел белән чагыштырганда, бераз күбрәк. Әмма бакалавриат программалары буенча бюджет урыннары саны 167гә киметелгән. Үсеш исә магистратура программаларына кабул итүгә күзәтелә - урыннар саны 218гә арткан.

Бу вузда бюджет урыннары ел саен, күпкә булмаса да, арта бара. Абитуриентларның да социогуманитар юнәлешләрдән табигый фәннәргә таба йөз белән борылуы күзәтелә. Әлеге уку йортының ректоры Альберт Гыйльметдинов сүзләренчә, соңгы 3 елда КАИга гариза тапшыручылар саны 20-23 процентка арткан.

- Ил күләмендә күзәтелгән системалы өтенлекләр үзгәрешен без ачык күрәбез. Һәм бу дөрестер дә. 90 еллларда социогуманитар һәм техник юнәлешләр арасында дисбаланс барлыкка килде. Хәзер барысы да үз урынына кайта бара, - ди КАИ ректоры.

Быел Казан илкүләм тикшеренү техник университетында 1719 бюджет урыны исәпләнә.

Соңгы 4 елда гына да әлеге вузга кабул итү саннары 37 процентка арткан. Быел 774 бакалавриат и 440 магистратура урыны каралган. КДЭУны тәмамлаучыларның 100 проценты эшкә урнаша - нәкъ менә бу билгесе әлеге уку йортының төп горурлыгы булып тора. Вуз даими рәвештә белем бирүнең сыйфатын үстерү юнәлешендә эшли - студентлар заманча лабораторияләрдә өйрәнүләр уза ала. 80 процент студентлар биредә - башка шәһәрләрдән килүчеләр. Шуңа да аларны мөмкин кадәр уңайлы яшәү урыны белән тәэмин итү шулай ук мөһим фактор.

˜- Безнең вузда белем алучыларга тулай торакта 2000гә якын урын исәпләнгән. Быел менә бер тулай торакта капиталь төзекләндерү бара. Һәм безнең студентларыбыз тулысынча уңайлы яшәү шартлары белән тәэмин ителәчәк, - дип белдерде КДЭУ ректоры Эдвард Абдуллаҗанов.

КХТИ шулай ук соңгы елларда бюджет урыннарын арттыруга ирешкән. Быел вузга 4365 бюджет урыны бүлеп бирелгән: 2201е - бакалавриат, 159ы - специалитет, тагын 2005е магистратура программаларына. Уку йорты предприятиеләр белән тыгыз эшли. Яхшы элемтәләр «Газпром», «Лукойл», «Татнефть», «Амоний» компанияләре белән җайланган. Моның белән бәйле рәвештә студентларның өстәмә стипендияләр алу мөмкинлеге бар.

Быел КДМУда 2100 бюджет урыны каралган: 1,2 меңе - бакалавриат һәм специалитет, калганнары - интернатура, ординатура, аспиратура программалары буенча. Әлеге вузның төп үзенчәлеге - максатчан кабул итүнең югары дәрәҗәдә булуы. Специалитет программалары буенча, әйтик, 65 процент студентлар алына. Интернатура программасы буенча максатчан кабул итү 100 процент тәшкил итә.

Вузга урта махсус белем бирү йортларын (медицина көллият һәм техникумнарын) тәмамлаучыларны җәлеп итү буенча җитди эш алып барыла. Алар арасында аерым имтихан уздыру гадәткә кереп бара.

КДАТУ быел 749 студент җыя алачак. Бюджет урыннары саны бу вузда күп еллар үзгәрешсез диярлек кала. Вуз аңлы рәвештә филиаллар, яңа юнәлешләр ачудан баш тарта. Шул рәвешле КДАТУга ел саен югары конкурс саклана. Уку йортының ректоры Рәшит Низамов сүзләренчә, вуз республикабызга кирәкле булган кадәрле генә белгечләр әзерли, студентларына иң сыйфатлы белем бирә.

Кабул итү 16 бакалавриат юнәлеше, 9 магистратура юнәлеше буенча алып барыла. Бюджет урыннары узган елдагы дәрәҗәдә калган: 395 студентны - көндезге бүлеккә, 326 студентны читтән торып ук бүлегенә кабул итәчәкләр.

Бу вузга бюджет урыннары күп түгел. Узган елда академия 350 абитуриентны алса, быел кабул итү саннары 10 процентка арткан - 385 кешене җыячак. Берникадәр үсеш санкцияләр һәм импортны үзебездә җитештерелгән белән алмаштыру ихтыяҗы белән бәйле. Студентларның шактый өлеше максатчан кабул ителә - аларга 10 мең күләмендә өстәмә стипендиялр түләнә. Биредә белем алучылар 100 процент тулай торак белән тәэмин ителгән.