Общество
Татарстанда ике балыкчы юкка чыккан
Ярдан ерак түгел урында әйләнеп капланган көймә табылган. Гадәттән тыш хәл Спас районы Измәр авылында булган. Коткару хезмәтенә бу хакта 17 апрельдә 11:55 сәгатьтә хәбәр керә. 1979 һәм 1987 елгы ир-атлар әлеге авылга берәр атнага кунакка килгән була. Йорт хуҗасы өенә кайткач, кунакларның юклыгын күрә. Күршеләре, әлеге ир-атларның иртән үк...
Ярдан ерак түгел урында әйләнеп капланган көймә табылган.
Гадәттән тыш хәл Спас районы Измәр авылында булган. Коткару хезмәтенә бу хакта 17 апрельдә 11:55 сәгатьтә хәбәр керә. 1979 һәм 1987 елгы ир-атлар әлеге авылга берәр атнага кунакка килгән була. Йорт хуҗасы өенә кайткач, кунакларның юклыгын күрә. Күршеләре, әлеге ир-атларның иртән үк Актай елгасына балыкка китүен җиткерә.
Ярдан 100 метр эчтәрәк көймәләре табылса да, кешеләрен яр буйларыннан һәм водолазлар ярдәмендә кичкә кадәр сулыктан эзләү дә әлегә нәтиҗә бирмәгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев