Алтынчәчтә «Кошларга ярдәм ит» марафоны

Сыерчык ояларын балалар бакчабызга кунак итеп чакырылган Актаныш урманчылыгының урман мастерлары Мәхмүтҗанов Дилфас Гаяз улы, Гарипов Расих Мәгъфүрҗан улы, Галиев Идеал Насих улы, Хисамов Рамис Рифкать улына тапшырдылар, әтиләре белән берлектә «Бүләк» урманындагы, бакчабыз территориясендәге агачларга урнаштырдылар. Урман мастерлары сыерчык ояларын өй тирәсендәге агачларга куюның әһәмияте турында әйтеп «Янәшәдә яшәүче кошлар табигатькә бәяләп бетергесез ярдәм күрсәтеп кенә калмыйлар, ә безне, авыл халкын, җырлары белән дә сөендерәләр», диделәр. Нәтиҗәдә 54 сыерчык оясы үз хуҗаларын эзләп урманнарга, бакча тирәләренә урнаштырылды. Нәни табигать сакчыларын күреп күңелләр сөенде. Киләчәктә зур үскәч тә, әлеге чаткылар сүнмәсен иде дигән теләктә калабыз.