Актанышта якташыбыз, Татарстанның беренче Президенты, Дәүләт Киңәшчесе Минтимер Шәрип улы Шәймиев Кубогына багышланган зур көрәш турниры узды.
Мәртәбәле ярышта Татарстанның төрле район һәм шәһәрләреннән килгән 45 команда, 500гә якын яшь көрәшче катнашты. Яшь батырлар келәмдә көчләрен, җитезлекләрен, осталыкларын сынадылар.
Турнирда катнашуның үзе дә зур тәҗрибә һәм җиңүгә бер адым. Һәр спортчы өчен мондый дәрәҗәдәге ярышта көч сынашу яңа максатларга омтылырга, осталыгын арттырырга мөмкинлек бирә.
Ярыш нәтиҗәләре буенча призлы урыннар түбәндәгечә бүленде:
- 1нче урын — Арча командасы
- 2нче урын — Яр Чаллы командасы
- 3нче урын — Кукмара командасы
Барлык яшь көрәшчеләргә дә тырышлыклары, матур көрәш алымнары һәм спортка булган мәхәббәтләре өчен рәхмәт белдерәбез. Алдагы елларда да Актаныш келәмендә кабат очрашырга язсын!
Руслан Усманов фотосы
Нет комментариев