Күрәзәче акчаны кире кайтарамы?

— Таролог кәртләргә карап, кияүгә чыгачагымны әйтте. Әйткәне чынга ашмады. Кияүгә чыга алмадым. Акчамны кире кайтара аламмы? Хезмәт күрсәтелмәгән бит?

Ирина. 

— Таролог дигән профессия юк, шуңа күрә аңа кулланучы хокукларын яклау турындагы закон таләпләре кагылмый. Чынлыкта бу эшләр — ике кешенең сөйләшүе генә. Шуларның берсе, кәртләргә карап, «синең бу хыялың чынга аша яки ашмый» дип юрап утыра, — ди юрист Юрий Капштык. — Әгәр күрәзәлек итү даими характерда булса һәм күрәзәчегә зур суммалар түләнсә, монда инде аны мошенниклыкта гаепләргә була. Шарлатаннарны җинаять җаваплылыгына тарту практикасы бар.

Чыганак: «Өмет» сайты