Районыбыз укучылары һәм мөгаллимнәр «Цветаевские костры» регионара укуларында зур уңышларга иреште

                Конференция үткәрелә башлавының 10 еллык юбилей булуы, чарага илебезнең 5 төбәгеннән Татарстан республикасы,  Башкортостан республикасы, Мәскәү, Түбән Новгород, Пермь өлкәләреннән катнашучылар булуы искәртелде. Шулай ук КФУда белем алучы Индия, Индонезия, Кытай, Пакистан, Сирия һ.б. студентлары рус телендә һәм үз телләренең тәрҗемәләрендә Марина Цветаева шигырьләрен башкарып, конкурсантларны тәбрикләделәр.

                Безнең районыбыздан да катнашучылар булып, алар үз телебездә- татар телендә чыгыш ясап, жюри тарафыннан эшләре югары бәяләнде. Байсар мәктәбе татар теле һәм әдәбияты укытучысы Салахов Рамил Җәмигънур улы 1 урын, Иске Кормаш мәктәбенең башлангыч класслар укытучысы Газизова Диләфрүз Мирхатовна 3 урын, Чуракай мәктәбенең 6 класс укучысы Салахова Таңсылу 2 урынны яуладылар.