Иртәгә, 16 апрельдән һава торышы үзгәрәчәк, туңдырырга да мөмкин
16 апрель төнендә һәм иртә белән республика территориясендә һәм Казан юлларының кайбер өлешләрендә кар яву көтелә, дип кисәтә Татарстан Республикасының гидрометеорология үзәге.
16 апрельдә, шимбә көнне, төнлә, төньяк-көнчыгыштан килгән антициклон тәэсирендә, юеш кар һәм яңгыр явуы фаразлана.
Көндез урыны белән яңгыр явачак, төньяк һәм төньяк-көнбатышка таба исүче җилнең тизлеге секундына 5-10 метрга кадәр җитәргә мөмкин. Төнлә туңдырачак,температура - 4 дән +1 градуска кадәр, көндез + 5- +10 градус җылы булачак.
17 апрель, якшәмбе көнне, көньяк-көнбатыштан хәрәкәт иткән циклон республикага тагын яңгыр һәм юеш кар алып киләчәк. Температура фоны гадәттәгечә кала: - 2 - +3 градус, көндез 4-9 градус, көньяк районнарда 13 градуска кадәр җылы булачак дип вәгъдә итә синоптиклар.
Следите за самым важным и интересным в Telegram-каналеТатмедиа
Нет комментариев