Чыршыга ут капкан

5 гыйнвар көнне төнге 1:23 сәг. Бөек Җиңүнең 30 еллыгы урамында урнашкан 104 нче йортта янгын чыгуы хакында хәбәр керә. Фатир хуҗасы төтенгә буылып уянып китә. Әле яңа гына утлары белән балкып утырган Яңа ел бизәге - чын урман чибәркәе, төнгә электрдан аерылмый калу сәбәпле көлгә әйләнә. Аның белән бергә ярты фатир утырып яна: йорт җиһазлары, киемнәр. Фатир хуҗасы урамга чыгып калырга өлгерә, зыян күрми. Янгынның сәбәбе: электр җиһазлары белән файдаланганда янгын куркынычсызлыгы таләпләрен үтәмәү. Ялларыгыз имин үтсен! Бу хаталарны кабатламагыз.