ТАРИХКА ТЕРКӘЛГӘН МИЗГЕЛ: Э.Н. Фәттахов үз сүзен язды (ЭКСКЛЮЗИВ)

Бүген Актанышта үткән мәдәният хезмәткәрләре конференциясе кысаларында оештырылган күргәзмәдә " Безнең эзләр, безнең сүзләр" дип исемләнгән стенд та бар иде. Киләчәктә шушы ак кәгазьдә райондашларыбызның фикерләре, теләк-тәкъдимнәре урын алачак.

Район башлыгы Э.Н. Фәттахов бүген әлеге стендта беренчеләрдән булып үз сүзен язды. Тарих битләрендә үз эзен калдырачак сүзләрне язганчы, Энгель Нәвап улы шактый уйланып торды. Теләк тә, тәкъдим дә, этәргеч тә булып торачак сүзләргә тирән мәгънә саласы килүе аерым-ачык сизелде аның.

Берничә мизгелдән ак кәгазьдә кып-кызыл булып мөһим сүзләр барлыкка килде. Район башлыгының имзасы белән ныгытылган сүзләр, чыннан да, уйланырлык та, сокланырлык та иде.