Актаныш

"Татарстан көзгесе " Бөтенроссия экопроектлар конкурсында тавыш бирүдә җиңде

Республика халкы ярдәме белән Зәңгәр күлләрне төзекләндерү буенча проект 18 мең 476 тавыш җыйган.

Татарстанның зәңгәрсу күлләрен төзекләндерү буенча «Татарстан көзгеләре» республика экопроекты Бөтенроссия экотуризмны үстерү конкурсында халык тавыш бирүендә җиңгән, дип хәбәр итә ТРда туристлык-рекреацион кластерларны үстерү буенча команда.

«Татарстанлыларның актив ярдәме белән «Татарстан көзгеләре» экокластеры туристик-рекреацион кластерлар булдыру һәм экотуризм үсеше буенча бөтенроссия конкурсында беренче урынны алды», - диелә хәбәрдә.

Проект 18 мең 476 лайк җыйган. Тавыш бирүдә барлыгы 36 финалист катнашты.

Конкурста катнашкан икенче татарстан проекты «Кама Тамагы» экокуроры шулай ук халык тавыш бирү нәтиҗәләре буенча беренче унлыкка керде. Ул 8 мең 810 тавыш җыеп, дүртенче урында булды.

Бүген, 16 октябрьдә, Тулада халык тавыш бирүендә һәм бөтен конкурста җиңүчеләрне бүләкләү тантанасы узачак. Жюри федераль ярдәм алачак проектларны игълан итәчәк. Шунда ук «Татарстан көзгесе» экокластерының халык тавыш бирүе җиңүчесе буларак нинди бүләк алуы билгеле булачак.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: