Актаныш

Актаныш районы

Общество

ТР сәламәтлек саклау министрлыгы ОРВИ белән авырганда коронавирустан препаратлар кабул итү ни белән янаганын аңлатты

Хәтта Covid-19 диагнозы булганда да, яңа коронавирус инфекциясеннән барлык препаратлар да конкрет пациентны дәвалауда ярдәм итмәячәк.

Covid-19 препаратларын кискен респиратор вирус инфекциясе вакытында кабул итү куркыныч нәтиҗәләре белән яный. Бу хакта “Татар-информ” мәгълүмат агентлыгында узган матбугат конференциясендә ТР сәламәтлек саклау министры урынбасары - Казанның Сәламәтлек саклау идарәсе башлыгы Владимир Жаворонков сөйләде.

"Сатуда барлыкка килгән барлык препаратлар: "Авифавир", "Коронавир" һәм башкалар. Аларның куллануга карата күрсәтмәләре һәм зарарлы яклары язылган. <…> Болай гына кабул итү - ул куркыныч. Әгәр дә пациентта гади ОРВИ булса, бу чыгу юлы түгел ", - дип билгеләде спикер.

 

Замминистр татарстанлыларны теләсә нинди дару кулланганда инструкция белән танышырга , бигрәк тә Covid-19 препаратлары кебек җитдиләрен игътибарсыз калдырмаска чакырды. Мондый терапияне бары тик табибларның билгеләнеше буенча гына кабул итәргә кирәк, ул рецепт буенча сатылырга тиеш.

"Әгәр без Covid-19 диагнозын куябыз икән, - бу шулай ук, әлеге препаратны шунда ук кабул итәргә кирәк дигәнне аңлатмый. Анда бик төгәл күрсәтмәләр бар ", - дип сөйләде Жаворонков.

Препаратлар билгеләүгә күп факторлар йогынты ясый, шул исәптән пациентның булган авырулары да. Министр урынбасары билгеләп үткәнчә, даруларны уйламыйча кабул итү сәламәтлеккә зыян китерергә мөмкин.

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев