Афәрин: Иске Кормаш мәктәбе укучысы Самат Рәхмәтуллин «БлагоДарение» уздырган көрәш бәйгесендә I урынга лаек булды

          Турнир бу юлы Бөгелмә районының Карабаш поселогында узды. Районыбызның яшь көрәшчесе Самат Рәхмәтуллин 55 килограмм авырлыктагы 6-9 яшьлек балалар арасында барлык көндәшләрен дә отты.

Самат лаеклы рәвештә җиңү яулады.

          I урынга лаек булган райондашыбыз Татарстан Республикасы Дәүләт Советы депутаты, "БлагоДарение" хәйрия фондын гамәлгә куючы Ирек Салихов имзалаган диплом белән бүләкләнде.

              Саматны һәм аның остазын чын күңелдән уңышлары белән тәбрик итәбез.

Киләчәктә милләтебез батыры булып үсәр дигән ышанычта калабыз.