ТАНЫШ БУЛЫГЫЗ: Актаныш районы мәгариф бүлегенә яңа җитәкче билгеләнде

 15 октябрьдән Актаныш районы мәгариф идарәсе яңа җитәкчелек кул астында эшли башлаячак. Әлеге җаваплы вазыйфага  моңа кадәр Азнакай мәгариф идарәсе җитәкчесенең тәрбия эшләре буенча урынбасары булып хезмәт куйган Нәфисә Рим кызы Шәфыйкова билгеләнде. Ул Актаныш районына Э.Н.Фәттахов чакыруы буенча эшкә кайткан кадр. 

БЕЗНЕҢ КЫСКАЧА БЕЛЕШМӘ: Нәфисә Рим кызы 1975 елда Мөслим районында дөньяга килгән. Гомуми эш стажы – 24 ел. Н.Р. Шәфыйкова  Азнакай мәгариф идарәсе җитәкчесенең тәрбия эшләре буенча урынбасары вазыйфасын 4 ел башкарган. 

Яңа җитәкчегә яңа эш урынында уңышлар телибез.