Табиблар авыруларны кабул итә башлады
Медицина учреждениеләре куркынычсызлык чараларын үтәргә тиеш.
(Казан, 19 май, «Татар-информ»). Бүгенге көннән башлап Татарстан табиблары кабат планлы амбулатор-сырхауханә медицина ярдәме күрсәтә һәм халыкка планлы профилактик медицина тикшерүләрен үткәрә башлады. Бу хакта Роспотребнадзорның ТР буенча идарәсе матбугат хезмәте хәбәр итә.
Cоvid-19 коронавирусының таралу куркынычы булу сәбәпле, дәүләт һәм шулай ук шәхси медицина учреждениеләре билгеле бер куркынычсызлык чараларын үтәргә тиеш, диделәр ведомствода.
Хәбәрдә әйтелгәнчә, өлкәннәрне дә, балаларны да алдан язылу буенча катгый аерым вакытта кабул итәргә кирәк. Вакцинацияне шулай ук чакыру буенча һәм аерым вакытта оештыру мөһим.
Следите за самым важным и интересным в Telegram-каналеТатмедиа
Нет комментариев