Актаныш

Татарстанда кереме аз булган өлкәннәргә бушлай азык-төлек өләшәчәкләр

Хәйриячеләр биргән акчага ун мең данә азык-төлек җыелмасы ясаганнар.

(Казан, 1 апрель, «Татар-информ», Наталья Рыбакова). Коронавирус инфекциясе пандемиясе белән бәйле рәвештә Татарстанда яшәүче өлкән кешеләргә азык-төлек җыелмасы таратачаклар. Җыелма хәйриячеләр акчасына әзерләнә һәм түләүсез бирелә. Бу турыда бүген Татарстанның Хезмәт, халыкны эш белән тәэмин итү һәм социаль яклау министрлыгы башлыгы Эльмира Зарипова сөйләде.

Реклама

«Онлайн китереп бирү белән шөгыльләнә торган KazanExpress ритейлы 65 яшьтән өлкәнрәк булган һәм азкеремле кешеләргә бушлай азык-төлек җыелмасы таратырга тәкъдим итте. Бүген республикада керем яшәү минимумы — бер кешегә 8938 сумнан — кимрәк булган 16 мең өлкән кеше яши. аларның 4344е Казанда тора», — диде ул.

Зарипова сүзләренчә, KazanExpress волонтерлар белән бергә хәйрия акциясе ясарга әзер. Махсус сайт ясалган, теләге булган һәркем шунда үз өлешен кертә ала. Бүгенге көндә 10 мең азык-төлек җыелмасы әзерләнгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Комментарии (0)
Осталось символов: