Картаямыни соң йөрәк: Киров авылы өлкәннәре сәяхәт кылды

Күпбалалы Сабитовлар гаиләсенең үрнәклегенә һәм игелекле гамәлләренә чикләр юк!

Ул үзенең шәхси автобусында өлкән яшьтәге якташларын-кировлыларны иң башта Искә Сәфәр мәдәният йортына, соңныннан Әнәк авылындагы «Бабайда кунакта» музеена алып барды. 

Мәхтәрәм өлкәннәребезне Сәфәр мәдәният йорты җитәкчесе Илдус Һарунов һәм аның хезмәттәшләре олуг хөрмәт белән каршы алды. Мәдәни учакның эшчәнлеге хакында таныштыру өлешеннән соң, аның каршында эшләүче туган як тарихын өйрәнү музеенда булдылар. 

Сәяхәт Усы авылының бик матур урынында — «Зөһрә» чишмәсе янында тәмамланды. Хөрмәтле сәяхәтчеләрне һәр авылда тәмле чәй табыннары белән ихтирам иттеләр.

Районыбызның йөзек кашы булган «Бабайда кунакта» музее дирекциясенә, Илдус Һаруновка һәм Усы авылы китапханәчесе Сирина Шәмсиевага, автобус водителе — Венера апаның тормыш иптәше Алммаз Сабитовка да ветераннар ихлас рәхмәтләр укый.