Чуракайның Шәмсун мәчетендә районкүләм намаз уку бәйгесе булачак

Районкүләм чарада мәктәпкәчә яшьтәге балалар һәм 7-16 яшьлек укучылар катнаша ала.

Бәйгенең максаты: балаларда Хәнәфи мәзһәбе буенча намаз укуны тәрбияләү, гыйлем алуга мәхәббәт уяту, үзара дуслык мөнәсәбәтен ныгыту.

“Мин намаз укырга яратам” бәйгесенең шартлары түбәндәгечә:

• Мәктәпкәчә яшьтәге балалар: ике рәкәгатьле намаз укып күрсәтү.
• 7-8 яшьлекләр: ике рәкәгатьле намаз укып күрсәтү.
• 10-12 яшьлекләр: фарыз намазның берсен укып күрсәтү, Аятел Көрсине, азан догасын белү. 13-16 яшьлекләр: фарыз намазның берсен укып күрсәтү, Аятел Көрсине, азан догасын, конут догасын белү.

Коръәнне карап уку хуплана.

Актаныш районы мөхтәсибәте