Владимир Путин Минтимер Шәймиевне Андрей Первозванный ордены белән бүләкләде
Россия Президенты Владимир Путин Татарстанның беренче Президенты, республиканың Дәүләт Киңәшчесе Минтимер Шәймиевне бүләкләде. Бүләкләү тантанасы Мәскәү Кремленең Екатерина залында уза.
«Россия дәүләтчелеген һәм федерализмын ныгытуда, Татарстанның һәм бөтен Россиянең социаль-икътисади үсешендә милләтара татулыкны ныгытуда зур хезмәт һичшиксез Минтимер Шәрип улы Шәймиевнеке – көчле, неординар сәясәтче, гаять акыллы һәм җаваплы кешенеке», – дип белдерде Президент.
Шәймиевтән тыш, Россия Федерациясенең югары бүләгенә Россия Конституция суды рәисе Валерий Зорькин лаек булды.
Бүләкләү турындагы указны Президент узган елның 20 гыйнварында - Минтимер Шәймиев үзенең 85 яшьлек юбилеен билгеләп үткән вакытта имзалавын искәртте.
Следите за самым важным и интересным в Telegram-каналеТатмедиа
Нет комментариев