М7 юлында җәяүлене бәрдергәннәр, яктылык кайтаргычлары булмаган хатын-кыз шунда ук үлгән

Фаҗига «Волга» М7 трассасының 1100 чакрымында була. ТР Дәүләт автоинспекциясе матбугат хезмәте хәбәр иткәнчә, 37 яшьлек «Лада» автомобиле йөртүчесе җәяүле хатын-кызны бәрдерә.  Җәяүле, беренчел мәгълүматлар буенча, яктылыкны кире кайтара торган элементларсыз машина юлыннан барган. Хатын-кыз җәрәхәтләрдән юл-транспорт һәлакәте урынында үлгән. Автоинспекторлар тикшерү эшләре алып бара.