Татарстанда күп балалы гаиләләр җир участогы урынына 200 мең сум акча ала ала

Әлеге ярдәм чарасы Казан һәм Яр Чаллы шәһәрләрендә рәсми теркәлгән, шәхси торак төзелеше, шәхси ярдәмче хуҗалык алып бару, бакчачылык яки яшелчәчелек өчен җир участогы алуга чиратта торучы күп балалы гаиләләргә кагыла.

Компенсацияне элек җир участогы алу өчен гариза биргән ата-аналарның берсе рәсмиләштерә ала. Түләү бер тапкыр бирелә һәм күп балалы гаиләнең барлык әгъзалары арасында тигез бүленә.

Татарстан Республикасы Җир һәм милек мөнәсәбәтләре министрлыгы (Минземимущество РТ) тапшырылган документларны тикшерә һәм акчаны күчерә. Уңай карар кабул ителгәннән соң, түләү алучыларның Россия банкларындагы счетларына акча 7 эш көне дәвамында күчерелә.

Шуны да билгеләп үтәргә кирәк: җир участогын акчалата компенсация белән алыштыру мөмкинлеге Татарстан Республикасы Дәүләт Советы тарафыннан 2025 елның сентябрендә кабул ителде.