Антициклон Татарстанга кыска вакытлы салкыннар китерә
Бүген Татарстанда антициклон сәбәпле, температура фонының түбәнәюе көтелә. Бу хакта ТР Гидрометеорология үзәге хәбәр итә.
Республика территориясендә алмашынучан болытлы һава була. Сизелерлек явым-төшем көтелми. Әмма иртән кайбер районнарда төнлә төшкән томан сакланырга мөмкин.
Көнбатыш һәм көньяк-көнбатыштан исүче җилнең тизлеге секундына 5-10 метр тәшкил итәчәк. Юлларда бозлавык хасил була.
Төнлә -15..-20 градус (аязганда -23) булган салкыннан соң көндез Татарстан буенча -11...-16 градус салкын булачак.
Иртәгә, 7 февральдә, республикада кабат кар явачак. Яртыдан алып бер айлык нормага кадар явым-төшем көтелә.
Чыганак: https://tatar-inform.tatar/news/anticiklon-tatarstanga-kyska-vakytly-salkynnar-kitera-5918665
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев