Туган телебез сагында- «Татарча диктант» белем бирү акциясе

Акциядә катнашучылар татар теленнән белемнәрен онлайн (https:// diktant.tatar сайтында) һәм офлайн (мәктәпләрдә, университетларда, мәдәният үзәкләрендә, китапханәләрдә һәм башка мәйданчыкларда) тикшерә ала. Офлайн мәйданчыклар Россия төбәкләрендә, чит илләрдә, Татарстан районнарында һәм Казанның төрле оешмаларында булдырылачак. Төп мәйданчык итеп һәр елдагыча Казан федераль университетының Филология һәм мәдәниятара багланышлар институты сайланган. Онлайн катнашучылар өчен махсус электрон формада диктант язу мөмкинлеге бирелә.