Россиянең һәм Татарстанның халык артисты Ринат абый Таҗетдиновның хатыны да вафат
Татар театрының бик якын һәм хөрмәтле кешесе, Россиянең һәм Татарстанның халык артисты Ринат абый Таҗетдиновның хатыны Рәйсә Измаил кызы вафат булды.
Галиәсгар Камал исемендәге Татар дәүләт Академия театры коллективы исеменнән кызларының, туганнарының, дусларының тирән кайгыларын уртаклашабыз.
Ходай Сезгә тирән хәсрәтегезне күтәрә алырдай көч, сабырлык бирсен! Җаны тыныч, урыны җәннәттә булсын.
дип язалар Галиәсгар Камал исемендәге Татар дәүләт Академия театры сайтында.
Татарстанның Г.Тукай исемендәге Дәүләт бүләге лауреаты, Татарстанның һәм Россиянең халык артисты, СССРның Дәүләт бүләге лауреаты, М. Сәлимҗанов исемендәге Дәүләт бүләге лауреаты, «Алтын битлек» Россия милли театраль премиясенең беренче лауреаты Таҗетдинов Ринат Арифҗан улы 2024 елның октябрь аенда якты дөнья белән хушлашты. Аңа 86 яшь иде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев