Ишеттегезме әле?
Татарстанда газның бер кубометр бәясе 2026 елның октябреннән бер сумга артачак
2026 елның 1 гыйнварыннан Татарстан халкы газның бер кубометры өчен 8,55 сум түләячәк. Ә инде 1 октябрьдән тариф 9,28 сумга кадәр күтәреләчәк. Әлеге карар проекты хәзерге вакытта коррупциягә каршы экспертиза уза.
Газ исәпләү приборлары булмаган очракта куллану нормалары торакның төренә һәм файдаланыла торган җиһазларга бәйле. Үзәк җылыту системасы һәм газ плитәсе булган йортларда бер кеше айга 12дән 24,5 кубометрга кадәр газ куллана. Бу күрсәткеч кайнар су белән тәэмин ителүенә һәм газ колонкасы булу-булмавына карап үзгәрә.
Автоном җылыту системасы булган йортларда газ куллану нормасы — җылытыла торган мәйданның һәр квадрат метрына 8,5 кубометр. Аерым мунчалар өчен норма бинаның күләме буенча — һәр кубометрга 3,72 кубометр газ, ә теплицалар өчен — һәр квадрат метрга 4,55 кубометр тәшкил итә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев