Җырчы Гөлназ Асаеваның иҗат төркеменә аю ташланган

Башкортостанның атказанган артисты, җырчы Гөлназ Асаева тыелган социаль челтәрдә коточкыч яңалык белән уртаклаша, видеода иҗат төркеме белән табигатьтә ял иткәндә аю ташлануы турында сөйли. 

Кызлар, егетләр учак ягып ит кыздырырга керешәләр. Гитарага җырлар җырлыйлар. Шулвакыт видеода алар янына зур, йонлач аю йөгереп килгәне күренә. 

Аю кеше тавышлары һәм ит исенә таба килгән булса кирәк. Кадр артында «Качыгыз!» дигән сүзләр ишетелә. Кызганыч, зыян күрүчеләр дә бар. Алдагы фотода ир кешенең ашыгыч ярдәм машинасында утыруы күрсәтелә, аның күлмәге канга баткан. Аны җырчының концерт директоры ди белүчеләр.

Ары таба ниләр һәм бу вакыйганың кайда булганы әлегә әйтелми.