Корбан гаете 27 май көнне иртәнге 5:00 сәгатьтә Коръән Кәрим уку белән башлана

Көтеп алган мөкатдәс бәйрәмебез — Корбан гаете җитә.

Корбан тормыш нигъмәтенә шөкер кылып, Ибраһим галәйһиссәләмнең эшен дәвам итеп, ахирәттә Сиратны атланып кичү, гөнаһ-хаталарның ярлыкануы өчен чалына. Корбан Аллаһыны искә алу һәм Аның ризалыгына ирешү өчен әмер ителгән.

Районыбызның мәчетләрендә гает намазы 27 май көнне иртәнге 5:00 сәгатьтә Коръән Кәрим уку белән башлана.

Олуг гает көнендә бәйрәм намазларын укырга, корбаннар чалырга, күңелләребездәге мәрхәмәт, куаныч-шатлык хисен тирә-юньдәгеләргә җиткерергә язсын! Гаиләләребез нык, өйләребез нурлы булсын!

Мәчетләребезгә рәхим итегез!

Актанышта корбан чалу урыны – “Сугаз” оешмасы территориясе артында. Фермерларыбыз китергән сарыкларны сайлап алып, чалдыру оештырыла.

Корбан чалдырырга теләге булган, әмма килә алмаган кешеләргә, телефон аша белешеп (89372834680 – хәзрәт), корбан чалдырырга һәм итен китертергә мөмкин булачак.

Актаныш мөхтәсибәте