Туган тел айлыгы кысаларында мәктәпләрдә очрашулар узды

Актаныш муниципаль районында февраль ае Туган тел айлыгы дип билгеләнде.

Шул уңайдан 19 февраль көнне мәктәпләрдә язучылар белән очрашулар узды.

Укучылар әдипләребез, аларның иҗаты белән якыннан танышты. Әлеге чараларның төп максаты: язучыларның әсәрләре, әдәби мирасы белән якыннан танышу, укучыларның иҗади сәләтләрен үстерү, дөньяны күзаллавын киңәйтү, якташ язучыларга карата горурлык хисе, милли рух тәрбияләү. Мондый чаралар телебезне саклау, ярату һәм хөрмәт итү мөһимлеген искә төшерү максатында кирәк.