Афәрин: Бердәм дәүләт имтиханында гимназия укучысы 100 бал җыйды

Кичәге укучылар гына түгел, укытучылар, ата-аналар өчен дә иң киеренке мизгелләр бу. Шушы сәгатьтә генә редакциябезгә сөенечле хәбәр килеп иреште. Сәләтле балалар өчен гуманитар гимназия-интернатның унберенче сыйныф укучысы Булат Камалов информатика фәненнән БДИда 100 балл җыйган. Укытучысы- Ленар Хөсәенов. 

Әлеге зур уңышка ирешкән яшь райондашыбыз Булат Камаловны, аның остазы Ленар Хөсәеновны, сәләтле балалар өчен гуманитар гимназия-интернат директоры Венера Хәева-Хәмитҗанованы чын күңелдән котлыйбыз. Тырыш хезмәт, үҗәтлек һәм сынауларны югары дәрәҗәдә үтүегез белән сез башкаларга үрнәк!