Актаныш районы халкын диспансеризация узарга чакырабыз!

Шуңа күрә диспансеризация узу аеруча мөһим. Бу — формаль медицина тикшерүе генә түгел, ә үз сәламәтлегеңне бушлай тикшерү һәм авыруларны вакытында ачыклау өчен менә дигән мөмкинлек!

Поликлиникада сезне нәрсә көтә?

Диспансеризация барышында буй һәм авырлык үлчәнә, кан басымы тикшерелә, кирәкле кан анализлары алына, флюорография үткәрелә, шулай ук сәламәтлек торышы турында сораулар бирелә. Тикшерү нәтиҗәләре буенча медицина белгече киңәшләрен алырга мөмкин.

Кемнәр диспансеризация уза ала?

Мәҗбүри медицина иминияте полисы (ОМС) булган гражданнар диспансеризация уза ала.

• 18 яшьтән 39 яшькә кадәрге гражданнар — өч елга бер тапкыр.
• 40 яшь һәм аннан өлкәнрәкләр — ел саен.

2026 елда диспансеризацияне 1987, 1990, 1993, 1996, 1999, 2002, 2005 һәм 2008 елларда туган гражданнар уза ала. 40 яшьтән өлкәнрәк кешеләргә диспансеризацияне ел саен узарга кирәк.

Әгәр сез быел диспансеризация узарга тиешле яшь төркеменә кермисез икән, профилактик медицина тикшерүе узарга мөмкин. Ул төп анализларны тапшыруны һәм терапевт консультациясен үз эченә ала.

Диспансеризациягә түбәндәге ысулларның берсе аша язылырга мөмкин:

1. Дәүләт хезмәтләре порталы аша: https://uslugi.tatarstan.ru

2. Дәүләт хезмәтләре терминаллары ярдәмендә.

3. Актаныш үзәк район хастаханәсе поликлиникасының беренче катында урнашкан инфомат аша.

Поликлиниканың эш графигы

• Дүшәмбе–җомга: 8:00–17:00

• Шимбә: 8:00–13:00 (төшке ашсыз)

• Якшәмбе: ял көне

Ни өчен диспансеризация узарга кирәк?

Сәламәтлегегезне тикшерү өчен берничә сәгать вакыт бүлеп кую җитди авыруларны иртә ачыкларга һәм аларның үсешен булдырмаска ярдәм итә. Авыруны вакытында ачыклау дәвалауның нәтиҗәлелеген арттыра.

Үз сәламәтлегегезгә битараф булмагыз! Яшәү урыныгыз буенча поликлиникага мөрәҗәгать итегез, диспансеризация узыгыз. Үзегезне һәм якыннарыгызны саклагыз!

Сәламәтлек — иң зур байлык!