Яңа Әлем балалар бакчасында Ватанны саклаучыларга карата хөрмәт, ярату, алар белән горурлану хисләре тәрбияләү максатыннан чара узды.

Буген бакчабыз балалары белән балаларда әтиләр, дәү әтиләргә, абыйларга, Ватанга, Ватанны саклаучыларга карата хөрмәт, ярату, алар белән горурлану хисләре тәрбияләү, сәламәтлекләрен ныгыту максатыннан педагогларыбыз Илүзә Флүс кызы, Ландыш Мөхәррәм кызы, Айзәрә Фәнис кызы әзерләгән"Без әти белән көчле" темасы астында ярыш-кичә оештырылды. Эстафетада балалар әти, дәү әти һәм абыйлары белән кызыклы ярышларда катнашты, аларны бәйрәм белән котладылар. Кичә ахырында җиңүчеләр билгеләнде, бүләкләр тапшырылды. Балаларның үз куллары белән ясап тапшырган бүләкләре дә алар өчен зур сөенеч булды. Балаларыбызга һәркайсына әтиле булырга, аларның җылы канаты астында үсәргә язсын, күкләребез аяз булсын дигән теләктә калабыз.