Бүген Актаныш районы мәктәпләрендә дәресләр расписание буенча үткәрелә

24 январь,  шимбә көнне нык салкын булу сәбәпле, дәресләр район буенча үткәрелмәде. Ә бүген, 26 январьда гадәти режимда эшлибез. Мәктәпкә килгән балалар белән дәресләр үткәрелә. Шунысы бар, иртән мәктәп автобусларының берничәсе суыктан кабынмады,-диде Раниза Митьян кызы.

ТР Мәгариф һәм фән министрлыгы матбугат хезмәте хәбәрендә «Авыл мәктәпләренең башлангыч сыйныфларында дәресләрне -23 градус, ә шәһәр мәктәпләрендә -25 градус салкын булганда үткәрмәскә ярый», дип аңлатма бирелгән.

• Шулай ук авыл мәктәпләрендә 5-9 сыйныф укучылары өчен дәресләрне -25 градус, ә шәһәр мәктәпләрендә шул ук 5-9 сыйныф укучылары өчен дәресләрне -27 градус булганда үткәрмәскә киңәш ителә.
• Моннан тыш, авыл мәктәпләрендә 10нчы һәм 11нче сыйныфларда -30 градус салкында, ә шәһәр мәктәпләрендә -32 градус салкында дәресләр уздырылмый.
• «Санитария нормалары һәм кагыйдәләре нигезендә, кышкы чорда кечкенә сыйныф укучыларының физкультура дәресләрен урамда ачык һавада үткәрү һава температурасы өч градустан түбән булмаган һәм җил тизлеге секундына 6-10 метрдан артмаган очракта гына рөхсәт ителә. Өлкән сыйныф укучылары өчен дәресләр һава температурасы -10 градустан түбән булмаган һәм җил секундына 6-10 метрдан көчлерәк булмаган очракта урамда үткәрелә ала», – диелә хәбәрдә.
• Министрлыкта шулай ук температура -25 градус һәм аннан да салкынрак булганда балаларны мәктәп автобусларында йөртмәскә һәм муниципалитетлардан читкә алып чыкмаска киңәш ителә.