Татарстан Республикасы Мәгариф һәм фән министры Илсур Һадиуллин Актаныш укытучыларын хөрмәтләде

Очрашу истәлекле мизгелләргә бай булды. Илсур Гәрәй улы сәләтле балалар өчен гуманитар гимназия-интернатның эшчәнлеген югары бәяләде. Гимназия директоры Венера Хәмәтнәсыйх кызы Хәевага нәтиҗәле эшчәнлек өчен рәхмәт белдерде.

География укытучысы Рөстәм Уел улы Фәйзуллин, башлангыч сыйныф укытучылары Айгөл Данис кызы Зиннурова, Чулпан Рөстәм кызы Мингалимова, Гөлназ Дилшат кызы Солтанова, китапханәче Эльвира Мәүлетдин кызы Исламова да министр Илсур Гәрәй улының Рәхмәт хаты белән бүләкләнделәр.