Әнкәй — җирдә иң изге зат!

Әниләр бәйрәме — ел саен көтеп алына торган, дулкынландыргыч минутларга бай иң матур бәйрәмнәрнең берседер. Без дә газиз кешеләребезне матур чарага дәштек. Укучылар берсеннән-берсе матур концерт номерлары күрсәтте, кызыклы уеннар уйнаттык, мәктәп һәм өй тормышы турында скетчлар да куелды. Әниләребезгә багышлап ясалган презентация күрсәттек. Бәйрәмебез «Бер кыз бала җыр чыгарган» җырын бергәләп җырлап, әниләребезгә бүләкләр өләшү белән дә күңелләрне тибрәтте. Табын артында тәмле чәй белән сыйлап, әниләребезгә йөрәкләрдән чыккан рәхмәтләребезне әйттек.